Премиерот на Франција, Себастијан Лекурни, им испрати на министрите барање за спроведување дополнителни мерки за заштеда во вкупен износ од четири милијарди евра, со цел ублажување на економските последици од војната на Блискиот Исток.
Во писмо што го видел порталот „BFMTV“, Лекорни навел дека вкупните трошоци од кризата би можеле да достигнат околу шест милијарди евра, поради што е потребно да се ограничи јавната потрошувачка во рамките на буџетите на одделите.
Тој, исто така, предупреди дека францускиот економски раст ќе биде помал од претходно очекуваниот, при што прогнозата е ревидирана надолу за 0,1 процентен поен, што би значело раст од 0,9 проценти за оваа година.
Францускиот министер за економија и финансии рече дека вкупното „потенцијално“ влијание на војната врз француската економија се проценува на помеѓу четири и шест милијарди евра.
Тој наведе дека значителен дел од трошоците доаѓаат од зголемените трошоци за долг, кои растат поради повисоките каматни стапки.
Планирано е да се одржи состанок со пратениците за да се идентификуваат областите каде што може да се направат заштеди и да се ограничи фискалниот притисок предизвикан од кризата.