Времето денеска низ Македонија ќе биде променливо облачно со сончеви периоди, информираат од Управата за хидрометеоролошки работи.
Од пладневните часови ќе има повремен локален дожд и услови за изолирана појава на краткотраен пороен дожд и ретки грмежи.
Ќе дува слаб до умерен, а наместа во западните делови повремено засилен ветер од западен правец.
Максималната температура ќе биде во интервал од 16 до 23 степени.
Во Куманово и околината денеска ќе имаме претежно сончево време со мала облачност.
Ќе дува слаб до умерено засилен ветер од западен и северозападен правец.
Утринската температура ќе се движи околу 7 степени, додека максималната дневна се очекува да достигне 21 степен целзиусов.
Утре низ кумановско ќе имаме облачно време со врнежи од дожд. Ќе дува слаб до умерено засилен ветер од северен и северозападен правец. Температурата во утринските часови ќе се движи околу 7 степени, а максималната дневна ќе достигне 11 степени целзиусови.
Среда носи претежно сончево време со мала облачност и слаб до умерено засилен северен ветер. Минималната температура ќе се спушти до вториот степен, а максималната ќе се искачи до 14 степени целзиусови.
Променливо облачно време ќе имаме во четврток. Ќе дува слаб до умерено засилен ветер од северен правец, а температурата ќе се движи во интервал од минимални 4 до максимални 16 степени целзиусови.
И петок носи променливо облачно време со слаб до умерено засилен ветер од север. Утринската температура ќе се движи околу 4 степени, а дневниот максимум ќе достигне 17 степени целзиусови.
Сончево и топло време ќе имаме во сабота. Ќе дува слаб до умерен ветер од западен и југозападен правец. Температурата во утринските часови ќе се движи околу 5 степен, а дневниот максимум ќе достигне 19 степени целзиусови.
Во недела ќе имаме сончево и релативно топло време со слаб до умерен југозападен ветер. Утринската температура ќе се движи околу шестиот степен, а дневниот максимум ќе достигне 22 степени целзиусови.
Слично време ќе се заржи и во текот на следната работна недела.
Никола Ивановски