Карате клубот „Башкими 2002“ од Куманово оствари значаен успех на Државното првенство за деца на возраст од 10 до 13 години, освојувајќи вкупно осум медали и високо трето место во генералниот пласман.
Во конкуренција на 56 клубови од целата држава, кумановскиот клуб настапи со 10 натпреварувачи и успеа да освои пет златни, еден сребрен и два бронзени медали.
Со злато се закитија Јона Мисини, Убејд Мемиши, Олтион Азири, Сара Муадини и Ајан Муареми, додека Ерза Реџепи освои сребрен медал.
Бронзени одличја освоија Јара Сулејмани и Ерблин Демири.
Без медал овојпат останаа Туана Мустафи и Ерлета Мисини, кои сепак прикажаа солидни настапи.
Со овие резултати, Карате клуб „Башкими 2002“ го потврди својот квалитет и се пласираше на третото место во генералниот пласман, што претставува голем успех во силна конкуренција.
Следен предизвик за младите каратисти ќе биде Балканското првенство во Истанбул, како и Светскиот куп во Пореч, каде ќе имаат можност повторно да ги покажат своите вештини на меѓународна сцена.
Тренерот проф. Мурсел Мисини изрази задоволство од постигнатите резултати и најави уште посилни настапи во претстојниот период.
Никола Ивановски