Американскиот сенатор Берни Сандерс ги критикуваше трошоците за воените напади на Вашингтон врз Иран, велејќи дека средствата можеле да се користат за домашни програми, пренесува Анадолу.
Сандерс на социјалната мрежа на американската компанија X изјави дека војната во Иран веќе ги чинела САД 22,8 милијарди долари (19,75 милијарди евра).
„За 22,8 милијарди долари, би можеле да обезбедиме Медикејд за 6,8 милиони деца, да изградиме 2,6 милиони станбени единици, да го финансираме Хед Старт за 1,3 милиони, да вработиме 240.000 наставници и да отпишеме 20.000 долари (17.330 евра) студентски долг за еден милион должници“, рече тој.
Сандерс повика на давање приоритет на јавните услуги пред воените трошоци, бидејќи регионалните тензии ескалираат.
Израел и САД продолжуваат со заедничка офанзива против Иран од 28 февруари, во која досега загинаа околу 1.300 луѓе, вклучувајќи го и тогашниот врховен лидер ајатолахот Али Хамнеи.
Иран возврати со напади со беспилотни летала и ракети врз Израел, Јордан, Ирак и земјите од Персискиот Залив кои се домаќини на американски воени средства, предизвикувајќи жртви и штети во инфраструктурата.
Како резултат на нападот, глобалниот пазар и авијацијата беа нарушени.