Креативното уметничко дело на авторот Стојан Трајковиќ со мотив „Куманово – град на традицијата и единство“ е избрано за сувенир на Општина Куманово за 2025 година.
Одлуката ја донесе Комисијата за избор на сувенир, по разгледување на пристигнатите трудови на објавениот конкурс.
Избраниот сувенир е дизајниран на начин што овозможува негово масовно производство, со цел да се користи за промоција на градот и неговите препознатливи вредности пред домашната и меѓународната јавност.
На конкурсот за избор на сувенир учествуваа девет автори со свои креативни решенија.
Делата содржеа различни елементи кои ја отсликуваат традицијата, културно-историското наследство, духовните и материјалните вредности, како и природните богатства на Куманово.
Комисијата при изборот ги земала предвид уметничката вредност, оригиналноста и можноста сувенирот да биде препознатлив симбол на градот.
Никола Ивановски