Постарите од 40 години треба да работат три дена неделно (ВИДЕО)

Постарите од 40 години работат најдобро кога работат само три дена во неделата.

Перформансите, од друга страна, се намалиле кога поминале повеќе од 25 часа за една недела, како резултат на ефектите од замор и стрес, според студијата објавена во Melbourne Institute Worker Paper, која вклучувала низа когнитивни тестови.

Во неа биле опфатени 3.000 мажи и 3.500 жени од Австралија, чии работни навики биле анализирани.

Била тестирана нивната способност да читаат зборови и броеви гласно, и била измерена нивната способност да запомнат и да размислуваат.

Заклучено е дека учесниците кои работат 25 часа неделно биле поуспешни во тоа, додека резултатите од оние кои работеле 55 часа биле полоши дури и од невработените учесници во студијата.