Најмалку пет лица загинаа во четвртокот кога руски проектили погодија станбена зграда во јужна Украина, додека наводно била погодена и воена база на друга локација, јавува Анадолија.
Службата за итни случаи на Украина соопшти дека проектилите уништиле петкатна зграда лоцирана во градот Миколаев.
Според извештаите, од под урнатините живо е извлечено единаесетгодишно момче, а операциите за пребарување и спасување продолжуваат.
Во меѓувреме, регионалната воена управа на Лавов објави дека руските сили истрелале три проектили, од кои едната била соборена од украинската противвоздушна одбрана.
Во нападот е оштетен воен комплекс во близина на Лавов, а засега нема информации за повредени.
Два напади во текот на ноќта, наводно, се случиле и во источниот украински град Харков, предизвикувајќи прекин на електричната енергија во некои области.
Сите информации поврзани со најновите случувања со војната во Украина можете да ги прочитате ТУКА.