Наташа Пехрсон, активна на ТикТок и Инстаграм, објави видео во декември на кое се гледа нејзината трансформација за слабеење, а по пат и нејзиниот сопруг Дејвид.
Видеото започнува со прикажување на Наташа и Дејвид кога го започнале своето патување за слабеење, со опис: „Заедно изгубивме 56 килограми“.
Во секоја од трите бремености се здебелила и после тоа работела на слабеењето
Откако Наташа го објави на 18 декември, видеото е прегледано повеќе од 44 милиони пати на ТикТок.
32-годишната девојка од Гудјар, Аризона, изјави за Fox News Digital дека била на патување за слабеење повеќе од 10 години и четири пати во животот изгубила значителна количина на килограми.
Првиот пат пред да го запознае сопругот, а следниот три пати по секое бебе.
„Се здебелуваат околу 22 килограми во секоја бременост, но успевав да ги изгубам по секоја бременост“, изјави Наташа за Фокс.
„Мојата трета бременост, ја започнав со повеќе килограми, па изгубив повеќе килограми овој пат. Во меѓувреме, Наташа изјави дека Дејвид „никогаш навистина не се борел со својата тежина“, но во последните девет години од нивниот брак „полека се здебелил преку 22 килограми“.
Минатата година, Наташа рече дека Дејвид бил инспириран од пријател да направи една фитнес програма која ја предизвикува менталната сила на учесниците.
„Тоа го мотивираше да започне“, рече Наташа. „И реков: „Во ред, претпоставувам дека ќе го направам тоа со тебе затоа што сакам да ги изгубиш и вишокот килограми“.
Напредокот продолжува
Иако изгубиле вкупно 56 килограми откако го објавиле виралното видео на ТикТок во декември, Наташа изгубила уште повеќе оттогаш, со што нивното комбинирано слабеење достигна 66 килограми.
Кога почнале, Наташа тежела 105 килограми, а Дејвид 122 килограми. Таа моментално има 67, а тој 94 килограми.
Наташа за Фокс изјавила дека сè уште работи на слабеење, а си поставила цел да изгуби вкупно 45 килограми, што сака да го постигне до март оваа година.
Наташа секојдневно на Инстаграм ја објавува својата моментална тежина, како и други објави за нејзиното слабеење.
Таа вели дека онлајн дневникот е алатка која и помага да биде одговорна кон своите цели.
Нејзините совети и заклучоци се многу корисни и инспиративни
„Брзите поправки не функционираат“, рече Наташа. „Треба да бидете доследни и потребно е долго време. Мора да бидете дисциплинирани. И мислам дека за мене тоа го промени мојот начин на размислување за ова дека не се работи за слабеење, туку за усвојување нови навики кои можат да траат засекогаш. Слабеењето е само нуспроизвод на тоа“.
„Наместо да размислувате за сите работи што не можете да ги направите или што треба да ги елиминирате, размислете што можете да додадете“, рече таа. „Што можам да направам поинаку што ќе ми даде позитивен исход?
Таа исто така рече дека клучот е да го промените начинот на кој размислувате за мотивацијата
„Ако очекувате да бидете мотивирани за слабеење, никогаш нема да изгубите тежина“, рече таа. „Мотивацијата е, верувам, нешто што го заработувате со дисциплина. Ако можете да се појавувате секој ден и да почнете да ги добивате тие резултати, самите ќе станете мотивација.
На крајот, Наташа рече дека нејзината цел е да ги инспирира другите жени да развијат свој здрав начин на живот. Слабеењето ги менува животите, рече Наташа.
„И тоа не затоа што станувате помали, туку затоа што учите за што сте способни. Стекнувате самодоверба затоа што знаете дека можете да бидете дисциплинирани и знаете дека сте направиле нешто многу тешко. И едноставно се чувствувате незапирливо. И мојата цел е да ги натерам другите жени да се чувствуваат така и да знаат дека животот може да биде подобар“.
@natashapehrson #weightlosscheck #weightlosstransformation #postpartumtransformation #weightlossbeforeandafter #weightlossbeforeandduring #beforeandafterweightloss ♬ 100 Bad Days – AJR