Носителот на листата на СДСМ и коалицијата во втората изборна единица, Оливер Спасовски денес на прес конференција во центарот на Куманово се сретна со граѓаните, а притоа промовираше и неколку мерки кои ќе бидат во интерес на работниците во Република Македонија.
Loading...
Во првите четири месеци од мандатот ја зголемуваме минималната плата на 12.000 денари и таа ќе биде толку и во текстилната и во кожарската индустрија. Работниците во овие институции со години се дискриминираат и земаат помалку од законски пропишаната минимална плата. За да ја постигнеме оваа мерка ќе ги помагаме компаниите со по 1.900 денари месечно за секој вработен, за секоја фирма да може да подели минимална плата без да има дополнителни трошоци. Преку овој план за живот во Македонија имаме јасна цел за платите. До крајот на мандатот минималната плата да изнесува 16.000 денари, а просечната плата да биде 30.000 денари. Просечна плата од 30.000 денари значи семеен буџет од 60.000 денари или 1.000 евра во семејство каде што има двајца вработени. Тоа е пристоен семеен буџет кој ќе овозможи пристоен живот и покриен месец – рече Спасовски.
Како што потенцираше Спасовски со овие мерки ќе се покачи животниот стандард на граѓаните, но и ќе се спречи масовното иселување од целата држава.
