Родителите на учениците што изведуваат настава во Oсновното училиште “Браќа Миладиновци” во село Студена Бара , денеска не ги пуштија учениците на настава , а тие одржаа протест пред училиштето .
Велат дека нивните деца изведуваат настава во многу лоши услови, а имало и случај кога цигла паднала врз дете. Во оваа основно училиште настава изведуваат 10 деца од прво до пето одделение во две училници . Селото е одалечено на само 12 километри од Куманово, а училиштето е изградено во шеесетите години со средства од селаните.
“Нечисто е и неискречено, инвентарот е пред 50 години, тоалетот е катастрофа, немаме услови за настава на децата”- вели Раде Стојановски , родител.
Родителите и во петок не ги пуштиле децата , но од наставниците добиле предупредување доколку не ги пуштат децата на настава ќе бидат казнети .
Loading...
“Ние ќе ги пуштиме децата на настава бидејќи немаме пари да плаќаме казни, но ќе бараме подобри услови за нашите деца”- вели Маре Апостоловска , родител.
Директорката на основното училиште Браќа Миладиновци, Марина Манојловска вели дека до неа никој не доставил барање за било што , вели дека законски е доколку не ги пуштат децата на настава родителите да добијат казна, а не дека некој им се заканува.
“Училиштето е избелено минатата година , исчистено е и извршена е дезинфекција , не е точно дека не е белено”- , реагира Манојловска .
Директорката Манојловска се сомнева дека протестот има политичка позадина .
преземено од: Радио Бум