За само две недели дипломатите од целито свет ќе се состанат во близина на Париз во намера да превземат чекори за справување со глобалното затоплување и превенција на катастрофални последици. Меѓутоа, климата се движи побргу од дипломатијата што може да се види и од извештајот за октомври оваа година кој е најтоплиот откако се бележи температурата од крајот на 19-от век.
Новите податоци доаѓаат од Јапонската метеоролошка служба, која е една од неколкуте агенции кои го следат планетарниот термостат. Од останатите наскоро се очекуваат слични податоци.
Она што е посебно загрижувачки од октомвриските резултати е разликата во просечната температура оваа година споредбено со сите месеци октомври од кога се вршат мерењата.
Бројката воошто не за потфрлување. Дури 0,19 степени целзиусови е разликата измеѓу просечните температури на октомври оваа година и просечните температури во изминатите години истиот месец.
Тоа е воедно и најголемо одстапување од просекот за еден месец оваа година.
Податоците на Јапонците покажуваат дека овогодишниот октомври е за 0,53 степени потопол од просечниот од 1981 и 2010 година.
Сите досега присоберени податоци укажуваат на тоа дека оваа година ќе стане најтоплата во историјата. Американската национална океанска и атмосферска администрација пресметала дека шансите да се случи тоа се 97%, додека НАСА проценува дека шансите за такво сценарио се 93%.