Украинскиот претседател Володимир Зеленски денеска, по повод 31-годишнината од прогласувањето на независноста, им порача на граѓаните дека „земјата се прероди“ кога Русија ја нападна Украина и дека повторно ќе го окупира анектираниот Крим и окупираните области на исток.
Во снименото емотивно обраќање, кое беше емитувано денеска на националниот празник и шест месеци од почетокот на руската инвазија на 24 февруари, Зеленски рече дека Украина повеќе не смета дека војната ќе заврши со воспоставување мир, туку кога ќе победи Киев, пренесува Ројтерс.
„На 24 февруари во четири часот наутро во светот се појави нова нација. Народ кој не плачеше, врескаше и не се плашеше. Оној што не побегна. Тој не се откажа. не заборава. Каков е крајот на војната за нас? Рековме: Мир. Сега велиме: Победа“, рече Зеленски.
Улиците во центарот на Киев денеска се невообичаено празни, по предупредувањето дека Русија во текот на денот би можела да изврши нови ракетни напади врз големите украински градови, наведува британската агенција.
Сите информации поврзани со најновите случувања со војната во Украина можете да ги прочитате ТУКА.