Претседателот на Украина, Владимир Зеленски, денеска за време на своето обраќање во ирскиот парламент изјави дека не може да толерира каква било неодлучност на западните земји да воведат нови санкции кон Русија.
Зеленски ја повика Ирска да ги убеди своите партнери од ЕУ да воведат построги санкции кон Русија, пишува Ројтерс.
„Кога ќе слушнеме нова реторика за санкции… не можам да толерирам никаква неодлучност по сето она што го направија руските сили“, рече Зеленски, обраќајќи се преку видео врска на ретка заедничка седница на двата дома на ирскиот парламент, пренесува Танјуг.
Зеленски рече дека руски ракети ја погодиле цивилната инфраструктура на Украина, вклучително и складиштето за гориво, во текот на ноќта и ја обвини Москва дека намерно предизвикува криза со храна користејќи го гладот како „оружје“.
Русија негираше дека целела цивили за време на, како што вели, специјалната воена операција во Украина.