Америка побара од властите во Киев под каков било изговор да ги отстранат од водечките позиции во владата сите оние кои ја изгубиле довербата на Белата куќа.
„На „црната листа“ се наоѓаат неколку десетици високи украински функционери од тимот на украинскиот претседател Володимир Зеленски. Неговото внимание беше ставено дека во спротивно Вашингтон ќе објави „смртоносно“ досие што сведочи за корумпираноста на претставниците кои наскоро ќе соработуваат со него“, се наведува во соопштението на Службата за надворешно разузнавање на РФ.
Раководството на САД самоуверено ја зајакнува вазалната зависност на Киев од Вашингтон, додава Наришкин.
Според руската служба, американските советници веќе се во сите клучни сектори на украинската влада.
Сè потсетува на времето кога Британската империја испраќаше „политички агенти“ во своите колонии за суштински да владеат и да ги контролираат активностите на локалните власти, потсети Наришкин.
„Но, тоа не е доволно за Белата куќа. Сакајќи да ја направат Украина целосен вазал, САД воспоставуваат суштински колонијална администрација во таа земја. Според планот на Вашингтон, таа администрација ќе биде составена од Украинци обучени на Запад кои се заколнале на верност на американските интереси“, се наведува во соопштението на службата.
Така, за време на посетата на Зеленски на САД во декември 2023 година, на украинскиот претседател му беа дадени препораки за кадровски промени во извршната власт на Украина, истакна Наришкин.
„Американците инсистираат украинската амбасадорка во Вашингтон, Оксана Маркарова, која се школуваше на Универзитетот во Индијана во Блумингтон, да стане премиер. За функцијата министер за финансии го предлагаат досегашниот заменик министер Александар Кава кој студирал на Харвард. За министер во тој сектор е предложен досегашниот заменик министер за економија Тарас Качка, дипломиран на полскиот национален институт за јавна администрација“, се наведува во соопштението за медиумите, пренесува РТ Балкан.