Претседателот на Украина, Володимир Зеленски, ги повика Русите да се спротивстават на мобилизацијата, а оние кои веќе се на фронтот да се предадат на вооружените сили на Украина во првата прилика.
Во видео обраќањето, кое делумно беше на руски, Зеленски ги повика Русите да не одговараат на мобилизацијата, да бегаат или да се предадат на украинските сили како затвореници во првата прилика, пренесува Укринформ.
Рускиот претседател Владимир Путин најави делумна мобилизација на 21 септември.
Рускиот министер за одбрана Шојгу тогаш најави дека ќе бидат мобилизирани 300.000 резервисти.
Киев, пак, тврди дека Москва ќе мобилизира до милион луѓе, пренесе Танјуг.
Сите информации поврзани со најновите случувања со војната во Украина можете да ги прочитате ТУКА.