Започнува годишниот попис на бездомниците во Лос Анџелес

Сподели со своите пријатели

Градот Лос Анџелес започна годишен попис на бездомниците за да се утврди колку луѓе се бездомници и каква помош им е најпотребна.

Loading...

Овогодинешниот тридневен попис доаѓа во време на засилено јавно незадоволство поради неуспехот на локалните власти да ги решат проблемите на луѓето кои живеат на улица – во автомобили, шатори и картонски засолништа.

Пописот од 2023 година покажа дека округот Лос Анџелес има 75.500 бездомници, што е девет отсто повеќе од претходната година.

Од 2015 година, бројот на бездомници е зголемен за 70 отсто во областа и за дури 80 отсто во самиот град.

ПРОЧИТАЈТЕ И:  Варшава: Америка ќе биде виновна ако Русите напредуваат

Околу 46.200 од нив живеат на територијата на самиот град Лос Анџелес, каде што расте незадоволството на граѓаните поради зголемениот број „шаторски населби“ на тротоарите, парковите и другите јавни површини.

Градоначалничката на Лос Анџелес, Карен Бас, минатиот месец објави дека повеќе од 21.000 луѓе кои живеат на улица ќе бидат сместени во хотели и други засолништа.

Резултатите од овој попис, како што е најавено, ќе бидат објавени кон крајот на пролетта или почетокот на летото.