Како што информираат од СВР Куманово, во изминатиот викенд, на територијата на градот се спроведени зајакнати полициски контроли во сообраќајот, со цел да се зголеми безбедноста возачите и пешаците.
Зголемувањето на патролите е во согласност со претходно изготвен план од страна на СВР Куманово, при што за два дена биле контролирани 259 возачи и возила.
При контролата се забележани 80 прекршоци од Законот за безбедност во сообраќајот на патиштата и Законот за возила.
Од наведената бројка на прекршоци, дури 50 се однесуваат на возење под дејство на алкохол, а 8 лица го прекршиле законот затоа што возеле без претходно издадена дозвола од страна на министерството. Од останатите 22 прекршоци 9 се однесуваат на нерегистрирани возила, 5 за возач почетник и сл.
Согласно статистиката од овој викенд СВР Куманово упатува апел до сите возачи:
Заради безбедност на сите учеснции во сообраќајот и безбедноста на граѓаните да не се управува со возило под дејство на алкохол и сите да се придржуваат до сообраќајните правила и прописи пропишани со закон.