Командата за Операции (КО), со свеченост го одбележа денот на единицата во кумановската касарна „Боро Менков“.
https://www.instagram.com/p/CGZgidAnGhY/
Пред присутните се обрати началникот на генералштабот на АРМ, генерал-потполковник Васко Ѓурчиновски кој во говорот истакна дека годинава се остварила стратегиска цел, стремеж за која е работено од самостојноста на државата.
Тој додаде дека КО успешно се справува со предизвиците и на колективниот систем за одбрана е носител на традициите на Кресненското востание кои се негуваат и надградуваат.
https://www.instagram.com/p/CGZhHNina9h/
– Покрај предизвиците пред кои сè уште сме исправени, сè уште актуелната состојба на јужната граница и здравствената криза предизвикана од пандемијата со Ковид 19, успешно го спроведуваме процесот на трансформација на армијата и интеграција во Алијансата. Вашите команди и единици со успех ги реализираат сите поставени задачи со висок степен на професионализам, за што особено сум горд како еден ваш поранешен припадник, рече Ѓурчиновски.
https://www.instagram.com/p/CGZh7iTnSb0/
Тој им го честиташе Денот на КО и повика со мотивираност, чесност, тимска работа, лојалност и ефикасност да ги исполнат претстојните задачи.
https://www.instagram.com/p/CGZjSB3H_5c/
Генерал-мајор Павле Арсоски, пред присутните рече дека периодот помеѓу двата празници бил динамичен, исполнет со предизвици, трансформација на командите и единиците. Потсетувајќи на приемот во НАТО Алијансата, истакна дека Армијата била предводник на усвојувањето на стандардите. Тој во говорот се осврна и на пандемијата, на соодветниот одговор на Командата за операции, на учеството и поддршката на полицијата во Дебар, учеството во кризните штабови на локалните власти, истакнувајќи ја позитивната реакција на кумановци и соработката со локалната власт.
https://www.instagram.com/p/CGZkJpQnKHk/
– Годинава изминува и нашето општество сè уште се бори со пандемијата. Очигледно е дека сите сме приморани да го менуваме начинот на живот и генерално и погледот кон истиот. Единица на Командата за операции се подготвени да одговорат не секој предизвик и секое побарување во асистенција и заштита на нашите граѓани и институции, рече Арсоски.
На прославата присуствуваа и заменик на министерот за одбрана Башким Хасани, државниот секретар во Министерството за одбрана Драган Николиќ, поранешни команданти на оваа команда, претставници од Министерството за одбрана и генералштабот, претставници од воените аташеа и претставници од локалната самоуправа.
https://www.instagram.com/p/CGZlWL4HsP1/
На свеченоста беа унапредени припадници на Командата и беа прочитани стимулативни мерки.
За ден на Командата за Операции е определен 17. октомври, како спомен на одбележување на значајните историски настани врз кои се темелат традициите во Армијата, кога во 1887 година во селото Кресна е формиран штабот на македонското-кресненско востание кој е воедно и ден кога е кренато востанието.
https://www.instagram.com/p/CGZmrvUnj-8/
https://www.instagram.com/p/CGZnnm7nAk8/
https://www.instagram.com/p/CGZon9CnGxD/
https://www.instagram.com/p/CGZp7LsnbY0/
https://www.instagram.com/p/CGZtzu-n0ag/
https://www.instagram.com/p/CGZu9IIH0ig/
https://www.instagram.com/p/CGZwQGLnjy7/
https://www.instagram.com/p/CGZw5jQH7R2/
https://www.instagram.com/p/CGZxyQHnNX2/
Текст: Александра Максимовска / фото: Никола Ивановски