Во 2020 година убиени се 50 новинари, повеќето во држави што не се во војна

Сподели со своите пријатели

Педесет новинари се убиени оваа година, соопштија Репортери без граници.

Loading...

Повеќето од нив беа убиени затоа што работеа на теми како што се корупција или организиран криминал, наведува организацијата во годишниот извештај за слободата на медиумите. Има и неколкумина кои загинале при известување за демонстрации.

Седум од десет новинари се убиени во земји кои не се во војна. Најопасни земји за професионалните медиуми се Мексико, Ирак, Авганистан, Индија и Пакистан.

Според Репортери без граници, лани биле убиени 53 новинари во светот.

Репортери без граници забележуваат дека стотици новинари починале од Ковид-19, но не е јасно колку од нив се заразиле како резултат на извршување на професионалните задачи.

Златко Шумковски


Leave a Reply

Your email address will not be published. Required fields are marked *