Владата вчера го најави почетокот на новиот проект „Купи куќа за млади“ кој предвидува субвенции за млади лица до 35 години за купување на новоизградена куќа, како и за изградба, доградба или надградба на сопствена куќа.
Проектот ќе стартува од 1 февруари идната година и ќе важи за лица самци или во брак, при што е доволно само едниот да е помлад од 35 години.
Месечните приходи треба да се до 900 евра за поединец, а до 1.300 евра по семејство. Лицата не треба да имаат други кредити или задолжувања и треба да се кредитоспособни.
Максималниот износ на кредитот што ќе го субвенционира државата е 50 илјади евра, а отплатата е најмногу 20 години. Каматата ќе биде 3,95 отсто во првите три години, 4,44 отсто во четвртата и петтата година, а потоа според регуларни банкарски камати.