Верниците утре ќе скокаат по светиот крст на неколку локации во градот

Сподели со своите пријатели

По повод празникот Богојавление, Водици низ манастирските комплекси и езера низ државава ќе се фрла светиот крст, а по него ќе скокаат голем број верници.

Така и во Куманово, голем број на верници на неколку локации ќе можат да скокаат по осветениот крст.

Така во 8:30 во Соборниот храм „Свети Никола“ ќе започне свечената литургија, а во 10 часот во базенот на храмот ќе се фрли осветениот крст, а во 11 часот крстот ќе биде фрлен и во базенот на поранешен „Ловачки дом“.

На манифестациите најавено е и присуството на градоначалникот Зоран Дамјановски, а освен среќа и здравје во следната година, среќниот верник ќе добие и вредни подароци.

Одбележувањето на празникот во Куманово традиционално по 14 пат ќе заврши во ресторанот „Грација“ на манифестацијата „Пивтијада 2016“.