Со претставата „Синиот портокал“ на Театар Велес утре започнува годинешното издание на фестивалот „Денови на Комедија“ во Куманово.
Loading...
Од Центарот за култура „Трајко Прокопиев“ кој е организатор на настанот информираат дека свеченото отворање на фестивалот ќе биде утре со почеток во 20:00 часот.
По отворањето веднаш ќе започне и првата претстава, годинава на велешкиот театат „Ј.Х.К. Џинот“.
Станува збор за комедија во режија на Александар Ивановски, а по текст на Џо Пенхол.
Во претставата играат Фаик Мефаиловски, Жарко Спасовски и Самоил Стојановски.
Сценограф на претставата е Филип Коруновски.
Фестивалот продолжува во четврток со претставата „Ле кретен“ на Театар Штип.
Никола Ивановски
Loading...