Претседателката на Европската комисија Урсула фон дер Лајен е обвинета за „погрешно управување“ од страна на Европската надзорна управа, откако Комисијата одби да објави СМС пораки испратени до Алберт Бурл, главниот извршен директор на Фајзер, за време на набавката на 1,8 милијарди дози вакцина против коронавирус, пишува Јутарњи лист“.
Тоа не е во духот на нивото на правото на ЕУ за транспарентност
Фон дер Лајен во април минатата година јавно призна дека разменила приватни пораки со Бурл за обидот да се забрза воведувањето вакцини во Европската унија.
Имено, во договорот вреден 35 милијарди евра, за кој шефицата на Комисијата се пофали дека таа лично го договарала, цената на секоја поединечна вакцина се зголемила од 15,50 на 19,50 евра, пишува британски „Телеграф“, а пренесува „Јутарњи лист“.
Комисијата првично тврдеше дека не „идентификувала“ ниту една СМС-порака испратена до Алберт Бурла.
Но, истрагата открила дека канцеларијата на првиот човек на Комисијата всушност ги одбила барањата на европратениците и новинарите кои барале да се објават пораките, тврдејќи дека се избришани.
Во својата одлука, Народниот правобранител Емили О’Рајли рече дека однесувањето на Комисијата не е во духот на нивото на законот за транспарентност на ЕУ, кој вклучува текстуални пораки испратени од официјални лица.
Жалби на европските парламентарци
– Не беше направен обид да се утврди дали има СМС пораки. Ова е под разумните очекувања за транспарентност и административни стандарди во Комисијата. Сите текстуални пораки не треба да се архивираат, но текстуалните пораки се јасно опфатени со законот за транспарентност на ЕУ и затоа релевантните текстуални пораки треба да се документираат. Ако СМС пораките се однесуваат на политиките и одлуките на ЕУ, тие треба да се третираат како документи на ЕУ“, рече О’Рајли.
Според необврзувачкото решение на надзорниот орган за „лошо менаџирање“, на комисијата и е наложено да го повтори пребарувањето за СМС пораки.
Одлуката наиде на остри критики на фон дер Лајен, вклучувајќи ги и повиците за нејзина оставка од страна на некои европратеници.
Холандската европратеничка Софи ин’т Велд ја обвини Комисијата дека станува помалку транспарентна под фон дер Лајен, додека Романката Кристијан побара нејзина оставка.