Украинскиот претседател Володимир Зеленски го сруши рекордот на денешната прес-конференција, бидејќи зборуваше повеќе од 12 часа, пренесува украинската Агенција за рекорди.
Речиси осум часа по почетокот на конференцијата во ресторан во центарот на Киев, претставник на агенцијата стана да го објави записникот. Тој рекорд сè уште не е потврден од меѓународните тела.
Зеленски реагираше изненадувачки, велејќи дека тој е „скромен“ човек кој не сакал прослави.
Претходниот рекорд го држеше белорускиот претседател Александар Лукашенко, кој ја држеше прес конференцијата повеќе од седум часа, јавуваат украинските медиуми.
Стотици украински и странски новинари беа присутни на конференцијата на Зеленски.
Претседателот на Украина зборуваше на голем број теми, како што се конфликтите на истокот на земјата, односите со Русија и спорниот телефонски разговор со американскиот претседател Доналд Трамп.
Тој разговор служеше како изговор за почеток на процесот на отповикување на Трамп во Конгресот.