Украинските сили во последните денови ослободија околу 20 квадратни километри територија од руските сили околу источен Бахмут, изјави синоќа украинската заменик министерка за одбрана Хана Маљар.
Таа на Телеграм напиша дека руските сили постигнале „извесен“ напредок во самиот град Бахмут и дека тешките борби продолжуваат.
„Непријателот полека напредува во самиот Бахмут, целосно уништувајќи го градот со артилерија. Покрај тоа, непријателот носи професионални падобранци. Тешките борби продолжуваат со мешани резултати. Во сегашната ситуација нашите единици даваат се од себе, па дури и повеќе од тоа“, рече таа.
„Фактот што одбраната на Бахмут трае толку месеци и има напредок во одредени области ја покажува силата на нашите борци и високиот степен на професионалност на командата на одбраната. Ќе потсетам дека непријателот има предност во бројот на луѓе и оружје. Истовремено, благодарение на акциите на нашата армија, тој од минатото лето не може да ги реализира своите планови во правец на Бахмут“, додава тој.
Сите информации поврзани со најновите случувања со војната во Украина можете да ги прочитате ТУКА.