До вторник нашето подрачје ќе биде под влијание на многу топла воздушна маса. Дневната температура во голем дел од земјава ќе надминува 35° С, а во јужните делови ќе достигне до 40° С. УВ индексот ќе има многу висока вредност 9.
Утре не е исклучена ретка појава на краткотраен дожд со грмежи, пред се на исток во планинските подрачја.
Од вторник се очекува промена на временската состојба, и во вторник ќе има врнежи од дожд, кои на повеќе места ќе бидат поројни проследени со грмежи и засилен ветер, особено во северните делови.
Ќе дува умерен југозападен и јужен ветер,кој попладне на повеќе места ќе се засилува. Во среда и четврток времето ќе биде променливо и свежо со локален дожд. Дневната температура, почнувајќи од запад ќе биде во опаѓање, кое ќе продолжи и во наредните два дена и ќе се движи во интервалот од 26 до 33 степени.
УВ индексот ќе има вредност помеѓу 8 и 7.