Националната акција за чистење на околината од отпад „Ајде Македонија“, што се спроведува на ниво на цела држава, а организирано од Министерството за животна средина и просторно планирање и Асоцијацијата за чиста животна средина, денес беше организирана и на ниво на средните и основните училишта во Куманово.
Целта на проектот „Македонија без отпад 2015“ е граѓаните и сите засегнати страни организирано да се вклучат во чистењето на околината, и по тој повод, во СДУ Гимназија „Гоце Делчев“ , 80 ученици кои се дел од еколошките тимови го чистеа училишниот двор.
Во ООУ „Кочо Рацин“ три дена по ред се собира и селектира смет, а во акцијата се вклучени ученици, наставници, родители и соседи кои живеат кај училиштето, додека во ООУ „11 Октомври“ покрај собирање отпадоци, имаше и едукативно предавање.
Во Земјоделското училиште „Киро Бурназ“ дваесетина ученици ја средуваа тревата и собираа хартија и пласитчни кеси од училишниот двор.