Ученици од Куманово преку социјалните мрежи се организираат за протест против онлајн наставата.
Од она што може да се види на социјалните мрежи, протестот е закажан за утре со почеток во 14 часот од пред Градскиот базен.
Она на што повикуваат организаторите е почитување на мерките за заштита од коронавирусот кога ќе дојдат на собирот.
Инаку во четврток и петок протестираа и учениците од Гимназијата „Сами Фрашери“ кои побараа државата да им дозволи посетување настава со физичко присуство. Велат дека не секој ученик има техничка опрема од дома да ја следи наставата и затоа побараа Владата да ја промени својата одлука.
Сите средни училишта и поголем дел од основните во Куманово не добија зелено светло од Комисијата при Владата на Република Северна Македонија да посетуваат физичка настава, што создаде револт кај поголем дел од родителите и учениците кои сметаат дека ако може младите да се собираат во кафулиња, можат да одат и на училиште.
Никола Ивановски