Терористите, осомничени за синоќешниот напад во концертната сала, уапсени во руската област Брјанск, се префрлени во Москва, откако беа уапсени во близина на украинската граница.
Федералната служба за безбедност на Русија денеска соопшти дека по нападот што го извршија синоќа во концертната сала „Крокус сити хол“ во Москва, терористите имале намера да ја преминат границата меѓу Русија и Украина и дека имале контакти на украинска страна.
Истражниот комитет на Русија претходно соопшти дека осомничените за нападот се уапсени недалеку од украинската граница.
Уапсени се 11 лица, меѓу кои и четворица кои учествувале во нападот, соопшти Истражниот комитет.
Министерството за здравство го објави првиот список на лица, на кој има 37 жртви кои загинаа во терористичкиот напад во Москва.