Во Театар Куманово вчера пристигна новата тонска опрема преку проектот на Министерство за култура за целосно обновување на светлосната и аудио опрема во единствениот театар во градот.
Loading...
Театар Куманово доби нова аудио миксета, засилувач, звучници, микрофони и држачи за микрофони, информира Симона Тоскиќ, продуцент во Театар Куманово.
- Веќе добивме светлосна опрема, а вчера ја надополнивме и со тонска опрема. Оваа година реализиравме повеќе проекти од предвидените, и на репертоарот се најдоа седум нови претстави за кои имавме огромна потреба од пософистицирана светлосна и тонска опрема. Оттука и голема благодарност до Министерството за култура и Владата на РМ, за смена на целокупната стара и дотраена опрема со нова.
Со новата аудио опрема сигурно ќе обезбедниме поквалитетна и полесна реализација на претставите во иднина, вели Тоскиќ.