Тајмс: Путин наредил движење на нуклеарниот воен воз до линијата на фронтот во Украина

Сподели со своите пријатели

Расте загриженоста поради претходните навестувања на рускиот претседател Владимир Путин дека би можел да прибегне кон нуклеарна ескалација, откако во понеделникот излезе веста дека воз управуван од рускиот таен нуклеарен одред се упатил кон границата со Украина.

Loading...

Британскиот весник Тајмс, кој ја објави веста, наведува дека ваквиот развој на настаните доаѓа паралелно со веста дека Организацијата на Северноатлантскиот договор (НАТО) ги предупредила своите членки дека Путин се подготвува да ја покаже својата подготвеност за употреба на оружје за масовно уништување, со нуклеарна проба на границите на Украина.

Тајмс забележа дека Москва продолжува да ја открива својата подготвеност значително да ја ескалира тековната војна во Украина, додека загубите на нејзиното бојно поле продолжуваат да се зголемуваат.

ПРОЧИТАЈТЕ И:  Русите тврдат дека Украинците ги нападнале аеродромите со ист дрон како оној што се урна во Загреб

Весникот го цитира Конрад Музизка, воен аналитичар со седиште во Полска, кој рече дека возот, забележан во централна Русија, бил поврзан со 12-та главна управа на руското Министерство за одбрана и е одговорен за „нуклеарна муниција, нивно складирање, одржување, транспорт и единици за испорака“.

Путин би можел да користи тактичко нуклеарно оружје

Тајмс, исто така, цитира висок воен извор кој вели дека демонстрацијата на подготвеноста на Путин да користи нуклеарно оружје, најверојатно, може да дојде во Црното Море.

Иако ова преовладува став меѓу аналитичарите, тие не ја исклучуваат целосно можноста Путин да употреби тактичко нуклеарно оружје во Украина, додава весникот.

ПРОЧИТАЈТЕ И:  Руски ракетни напади доведоа до прекин на струја во Украина

Но, таквата опција, сметаат тие, носи големи ризици, бидејќи „Русите би можеле да направат грешка и случајно да погодат близок руски град во близина на украинската граница, како што е Белгород“, според извор со кој разговарал весникот.

Во овој контекст, Тајмс го цитираше Џејмс Роџерс, директор за истражување на Советот за геостратегија на Обединетото Кралство, кој вели дека не ја исклучува можноста Русија да прибегне кон нуклеарен напад врз напредните украински сили, колку и да изгледа малку веројатно тоа.

Loading...

Не е јасно како Западот ќе одговори на нуклеарниот напад врз Украина, но Роџерс смета дека земјите од НАТО би можеле да прибегнат кон големи сајбер напади, како и „економско давење на Русија и да и обезбедат на Украина повеќе оружје“.

ПРОЧИТАЈТЕ И:  Канада испраќа 15 милиони долари за деминирање на Украина

Сите информации поврзани со најновите случувања со војната во Украина можете да ги прочитате ТУКА.