Тајфунот Саола денеска го погоди јужниот дел на Тајван, носејќи силен дожд, иако не се очекува директно да падне на копно.
Loading...
Тајван издаде предупредувања за тајфунот на копно и море, а фериботите и летовите до неколку острови и југоисточниот град Тајтунг се откажани, објави Ројтерс.
Најобилниот дожд се предвидува да падне во планинските региони на округот Пингтунг на крајниот југ, каде наставата и работата денеска беа прекинати во некои општини, како и на источниот брег на Тајван.
Откако ќе помине низ каналот Баши, кој го дели Тајван од Филипините, тајфунот ќе го погоди југоисточниот брег на Кина и Хонг Конг.