НАТО не е и нема да биде страна во конфликтот во Украина, не испраќа војска или авиони, туку ја поддржува со оружје, изјави генералниот секретар на Северноатлантската алијанса, Јенс Столтенберг, во интервју за германскиот весник. „Велт“.
„Ја исклучуваме можноста НАТО да учествува во војната. НАТО не е страна во конфликтот и така ќе остане. Ние не ја испраќаме нашата војска или нашите авиони во Украина, туку ја поддржуваме со оружје“, рече Столтенберг, пренесува Спутник.
Тој додаде дека Украина има право на самоодбрана во согласност со Повелбата на ОН и дека НАТО има право да и помогне да го заштити тоа право.
Столтенберг посочи дека секогаш постои ризик од ескалација, поради што е важно да се зајакне военото присуство на НАТО во источниот дел на алијансата, бидејќи на тој начин Москва ќе добие свест дека НАТО ќе го брани секој сантиметар од својата територија.
„Никој не знае кога ќе заврши војната, но знаеме дека ако сакаме мир утре, мора да ја поддржиме Украина денеска. Изгледа чудно, но патот до мирот води преку испорака на оружје во Киев“, рече Столтенберг.
Тој посочи дека ако Путин не успее, другите ќе научат поуки, бидејќи автократите внимателно следат како НАТО ќе одговори на оваа инвазија.
„Веќе сфативме дека Русија го користеше снабдувањето со енергија како оружје и дека Кина ја користи својата економска моќ. Мора да разбереме дека економските одлуки можат да имаат последици за безбедносната политика. Секогаш се вели дека војната е премногу сериозна работа за да се остави на генералите“, истакна Столтенберг.
Генералниот секретар на НАТО додаде дека верува оти на самитот во јули годинава во Вилнус, членките на НАТО ќе го зголемат буџетот за одбрана, кој во моментов изнесува два отсто од БДП на секоја земја, бидејќи сите гледаат дека се неопходни повеќе пари.
Сите информации поврзани со најновите случувања со војната во Украина можете да ги прочитате ТУКА.