Генералниот секретар на НАТО Јенс Столтенберг ги предупреди Москва и Минск за „заканата“ од присуството на лидерот на паравоената група Вагнер во Белорусија, која граничи со Полска, Литванија и Латвија.
„Испративме јасна порака до Москва и Минск: НАТО е тука да го заштити секој сојузник и секој дел од територијата на НАТО“, рече Столтенберг во Хаг по вечерата со седум шефови на држави или влади на НАТО.
„Затоа, нема простор за недоразбирање во Москва или Минск кога станува збор за нашата способност да ги браниме нашите сојузници од каква било потенцијална закана“, рече Столтенберг.
Белорускиот претседател Александар Лукашенко вчера изјави дека лидерот на Вагнер, Евгениј Пригожин бил пречекан во Белорусија како дел од договорот со кој се става крај на бунтот на паравоената група во Русија.
Сите информации поврзани со најновите случувања со војната во Украина можете да ги прочитате ТУКА.