Советот на Општина Куманово утре со почеток во 10:00 часот во големата сала на поранешен Комитет ќе ја одржи својата 61ва седница, која воедно ќе биде и последна во овој состав со оглед дека за помалку од една недела стартува изборната кампања за локалните избори.
На дневен ред ќе се најдат шест точки, меѓу кои и точка за доделување финансиска помош на семејствата кои загубија свои членови во пожарот во тетовската модуларна ковид болница.
Во продолжение целосниот дневен ред:
1. Предлог – Одлука за давање на финансиска помош од Буџетот на Општина Куманово на семејствата на починатите во трагичниот пожар во мобилната Ковид болница во Тетово;
2. Тримесечен извештај за финансиско работење на ЈП „Водовод“ Куманово од 01.04.2021 – 30.06.2021 година;
3. Предлог – Одлука за давање согласност на Предлог – Годишен план за вработување во 2022 година на ЈП „Водовод“ – Куманово;
4. Годишен извештај за работа на ЈУОУД „Професор Мијалковиќ“ – Куманово за учебната 2020-2021 година;
5. Годишна програма за работа на ЈУОУД „Професор Мијалковиќ“ – Куманово 2021-2022 година;
6. Предлог – Одлука за основање на младински центар во Oпштина Куманово.