Да се види насмевка на бебето е еден од најсреќните моменти во животот на новиот родител. Никогаш не знаеме кога тоа ќе се случи и што значи таа насмевка во развојот на бебето.
До неодамна, научниците сметаа дека насмевките на новороденчињата се рефлексен одговор.
Насмевката може да ја предизвикаат гасови, столица или состојба на мирување на бебето, според студијата во магазинот „Хелтлајн“.
Истражувањето спроведено во последниве децении покажало дека бебињата на возраст од 36 часа имаат способност да „се борат“ за да укажат на потребата од внимание, да заспијат за да се избегне стресот и да се имитираат насмевки, да се покажат емоции, пишува The Conversation.
Насмевките на рана возраст се претежно резултат на изрази на лицето или рефлекси, бидејќи може да се појават и кога бебињата спијат.
„Навидум бесконечна промена на пелена, хранење три часа, како и страв од погрешни работи може да земат данок. Затоа, не е изненадување кога вашиот нов мал човек ќе ви се насмевне за прв пат. Сите тие непроспиени ноќи одеднаш се забораваат”, рече Д-р Бретани Одом, педијатар од Орландо, Флорида.
По околу два месеци возраст, бебето може да започне да ни се смее.
Ова се повеќе намерни, интерактивни насмевки кои го вклучуваат целото лице и очи. Тие посочуваат дека бебето е посвесно и посветено на комуникација со туѓите лица и околината.
Ако сакате да го охрабрите вашето бебе да се насмевне на оваа возраст, треба да изберете временски период кога бебето е добро нахрането и да го подигнете на околу 10 сантиметри од лицето и да му се насмевнете на бебето со широка насмевка.
На предвремено родените бебиња понекогаш им треба малку повеќе време да почнат да се смеат.