Неколку моменти по пукањето на митингот во Батлер, Пенсилванија, Доналд Трамп можеше да се види со раскрвавено лице додека обезбедувањето го придружуваше до неговиот автомобил.
Си-Ен-Ен објави детален извештај за тоа што разговарал Трамп со агентите во тие моменти.
За потсетување, на средина на говорот одекнаа неколку истрели, по што Трамп заврши на подот, а потоа беше опколен од агенти на Тајната служба.
Потоа се слушаат гласови на неколку агенти, при што едниот вели „горе“, а другиот „скалите се подготвени“.
Може да се слушне и Трамп, но неговите зборови се нејасни. На сцената стапуваат повеќе агенти.
Откако слушнаа дека напаѓачот бил совладан, Трамп и агентите станаа и прочитајте што разговараа:
Трамп: „Дај ми ги чевлите, дај ми ги чевлите“.
Машки агент: „Ве разбрав господине, ве имам господине“.
Трамп: „Дозволете ми да си ги земам чевлите.“
Втор машки агент: „Чекајте, главата ви е крвава“.
Машки агент: „Господине, мора да стигнеме до автомобилот, господине“.
Трамп: „Дозволете ми да си ги земам чевлите.“
Агентот вели: „Во ред“.
Трамп: „Чекај, чекај, чекај“.
Трамп потоа ја крена тупаницата високо кон публиката и три пати рече „борба“, што беше аплаудирано од толпата.