Шпанскиот премиер Педро Санчез во петок ќе започне турнеја низ Западен Балкан, каде ќе поддржи пет земји на нивниот пат кон Европската унија, соопштија од неговиот кабинет.
Санчез, 50-годишен социјалист, ќе биде првиот премиер на Шпанија што ќе ги посети Србија, Црна Гора, Северна Македонија и Албанија.
Тој ќе престојува и во Босна и Херцеговина, каде што ќе застане за да ја одбележи воената помош и соработка што Шпанија и ја пружи на таа земја за време на војната во 1992 година.
За Санчез, кој е на власт од јули 2018 година, БиХ е особено интересна бидејќи таму работеше од 1997 до 1999 година како шеф на кабинетот на високиот претставник на ОН, Шпанецот Карлос Вестендорп. Таму ќе ги посетат Сараево и Мостар.
Оваа турнеја му е „многу важна“, за земјите од Западен Балкан, незадоволни од долгиот престој во чекалната на ЕУ, да не ја изгубат волјата за влез во Европската унија во време кога преговорите со Украина и Молдавија беа забрзана поради руската инвазија на Украина.
На 30 јуни 2023 година Шпанија ќе го преземе шестмесечното претседавање со ЕУ.
Санчез ќе побара од Србија, Црна Гора, Албанија, Северна Македонија и Босна и Херцеговина да ги спроведат реформите што ги бара Брисел, иако тие се тешки, изјавија за новинарите извори од шпанската влада.
Шпанија е меѓу петте членки на ЕУ кои не го признаваат независно Косово
Првата станица на Санчез е Белград, каде што ќе се сретне со претседателот Александар Вучиќ, кого го прими во Мадрид во февруари, пред неговата победа на изборите во Србија.
Во Србија, која доби статус на кандидат за ЕУ во март 2012 година, тој ќе се сретне и со претседателот на парламентот Ивица Дачиќ, кој беше министер за надворешни работи до 2020 година.
Една од темите ќе биде и дијалогот меѓу Белград и Приштина за нормализација на меѓусебните односи. Шпанија е една од петте земји на ЕУ кои не ја признаваат независноста на Косово.
– Санчез ќе поддржи решение засновано на нивниот дијалог – изјави извор од владата.
Од Белград ќе отпатува за БиХ, каде шпанската воена мисија постоеше 18 години. По завршувањето на таа мисија во 2010 година, шпанскиот персонал остана како дел од „Операцијата Еуфор-Алтеа“ во кампот Бутмир во Сараево.
Од 1992 година, над 46.000 шпански војници, главно копнени сили, учествуваа во мировните мисии на ОН, НАТО и ЕУ во БиХ, каде Шпанија соработуваше во повоената реконструкција и ја затвори својата канцеларија за соработка во Сараево во 2011 година.
Во Босна и Херцеговина, Санчез ќе се сретне со претставници на тричленото претседателство на земјата, претставници на парламентот и градоначалникот на Сараево.
Прес-конференција само во Тирана
Потоа во Мостар ќе им оддадат почит на 23 Шпанци кои загинаа за време на војната, а ќе го посетат и Стариот мост кој по неговото уривање го обновиле шпански воени инженери.
Тој во недела ќе ја посети Црна Гора, земјата која е најдалеку од преговорите со ЕУ, каде ќе се сретне со премиерот и претседателот.
Ќе ја заврши турнејата во Северна Македонија и Албанија, со што ќе биде првиот премиер од една од земјите на ЕУ што ги посети овие две земји по деблокирањето на преговорите со Брисел.
Поради спорот за идентитетот и јазикот, Бугарија ја блокираше Северна Македонија, а со тоа и индиректно Албанија, бидејќи преговорите на Брисел со Скопје и Тирана беа врзани.
Во Тирана, главниот град на Албанија, Санчез треба да ја одржи својата единствена прес-конференција во понеделник пред да се врати во Мадрид.