Преживеаната жртва на секташки обред во која загинаа седум лица во Панама, опиша како таа со превез преку очите, била удрена со Библијата и нокаутирана се додека нејзината деветгодишна ќерка не била обезглавена.
Дина Бланко (24) била на состанокот во сектата „The New Light of God“, каде во еден религиозен ритуал била убиена нејзината ќерка, една бремена жена и пет нејзини деца во Панама минатиот понеделник.
Библиите, но и оружјето, како што се мачетите, ги користеле секташките за да ги принудат членовите да се соблекуваат и да шетаат по жар.
14 учесници преживеаја, а поголемиот дел од времето биле немоќни да се одбранат, врзани, па дури и несвесни, вели Бланко, тврдејќи дека вистината за тоа може да се открие само на судење.
Како што Бланко зборувала за тоа од болницата, таа одела на состаноци во импровизирана црква во дрвена барака, но овој пат, таа не била подготвена да оди.
Култот, кој бил активен во селото околу три месеци, се сменил кога еден од членовите наводно добил некаков вид визија за истребување на неверниците.
Бланко вели дека соседот ја повикал на состанокот на 13 јануари и ѝ рекол дека треба да дојде, без разлика дали и се допаѓа или не.
И таа заминала, заедно со нејзината деветгодишна епилептична ќерка, нејзиниот петнаесетгодишен син и нејзиниот татко. Нејзиниот татко и син успеале да избегаат, а Бланко и нејзината ќерка немале толку среќа.
Кога пристигнале, им било речено да не ги отвораат очите, да држат дланки едни со други и да се молат, да чувствуваат дека се во физичко присуство на Бога.
„Чувствував дека нешто ме удри во глава, не знаев што се случи со мене, а потоа паднав на колена“, вели таа.
Ги гаѓале со библии, мачети, стапови… Бланко од тој удар сè уште има голема модринка на челото.
– Постојано ми велеа да не ги отворам очите … Слушнав тапани, хармоника, врескање. Бев врзана.
Некои биле принудени да се соблечат и да шетаат врз жар.
Но, најлошото допрва требало да дојде. Во текот на ноќта или рано наутро, член на секта ѝ рекол дека нејзината ќерка е мртва.
„Птиците сега ќе располагаат со нејзиното тело“, рече тој.
Нејзината ќерка Инес беше убиена заедно со нејзината бремена состека, како и пет нејзини деца. Некои тела биле обезглавени и фрлени во свежо ископана заедничка гробница.
Девет од десет проповедници уапсени минатата недела се обвинети за убиство и киднапирање.
Музички инструменти, библии и крв – ова останало на сцената по масакрот.
Сето тоа се случувало во џунглата, во област населена со домородни народи на карипскиот брег на Панама и во голема мерка отсечени од надворешниот свет.
Таа се уште се опоравува од повредите, но најболно е убивањето на нејзината ќерка.
Вели дека поминала многу време со неа затоа што била дете со посебни потреби, а апчињата што ги користела за да ги купи чинеле три долари. За сиромашните жители, земјоделците, од тој крај, три долари е прескапо.