СЕВЕРНА КОРЕЈА: Руски дипломати ја минаа границата на крајно необичен начин

Сподели со своите пријатели

Група руски дипломати и нивните семејства ја напуштија Северна Кореја на многу необичен начин – со рачно управувани железнички колички.

Loading...

Осум лица патуваа со воз и автобус пред да ја преминат руската граница возејќи железничка количка околу еден километар.

Северна Кореја блокираше најголем сообраќај на патници за да се ограничи ширењето на вирусот.

Земјата тврди дека немала потврден случај на инфекција, но набљудувачите го оспоруваат ова тврдење.

Од почетокот на минатата година забранет е влез или излез од земјата со железница.

Прекинати се и повеќето меѓународни патнички летови.

Руските граѓани, според тоа, немаа многу избор.

„Бидејќи границите се затворени повеќе од една година, а сообраќајот на патници е прекинат, патувањето кон дома е долго и тешко“, објави руското Министерство за надворешни работи на Фејсбук.

Loading...

Фотографијата објавена од Министерството покажува луѓе на вагон со куфери среде зимски пејзаж.

Погледнете и колку се среќни кога влегуваат во Русија

 

Главен „машиновозач“ бил третиот секретар на руската амбасада, Владислав Сорокин, кој ја возел количката преку железничкиот мост преку реката Тумен кон Русија, објави Министерството.

Ова се случило затоа што групата, во која била и тригодишната ќерка на Сороков, Варја, патувала 32 часа со воз и два часа со автобус од Пјонгјанг до руската граница.

Претставници на Министерството ги пречекаа на станицата од руска страна, а групата потоа патуваше со автобус до аеродромот Владивосток.

Строгите мерки против коронавирусот во Пјонгјанг влијаеја на патувањето, а властите испратија дополнителни војници во пограничните области за да спречат какво било пренесување на вирусот.

Loading...

Во текот на изминатата година, многу странски дипломати ја напуштија земјата, а западните амбасади се затворени.

Повеќето дипломати ја поминаа границата со Кина преку копно, а во март минатата година имаше еден лет кон Владивосток, во кој беа вклучени дипломати од Германија, Русија, Франција, Швајцарија, Полска, Романија, Монголија и Египет.


Leave a Reply

Your email address will not be published. Required fields are marked *