Започна инсталирањето на монтажната ковид болница во Општата Болница Куманово.
Веста преку социјалните мрежи ја соопшти градоначалникот Максим Димитриевски. Болницата се поставува во соработка на локалната самоуправа и Министерството за здравство.
– Во оваа инвестиција на Владата и Министерството за здравство Општината учествува со градежни зафати за расчистување и подготовка на теренот, уривање на старите објекти, инсталација на дотур на вода, приклучок на фекален колектор и гасификација. Благодарност од мое лично име и во име на сите кумановчани до инвеститорите и изведувачот на градежните работи и подршка до сите здравствени работници во борбата против епидемијата, вели Димитриевски.
Модуларната болница со капацитет од четириесетина легла, првите пациенти се очекува да ги прими по новогодишните празници.
Никола Ивановски