СДСМ денеска ќе се врати во Собранието

Сподели со своите пријатели

Пратениците од опозицијата денес треба да се вратат во Собранието на Република Македонија каде ќе треба да се изгласа она што претходно четирите најголеми политички партии го потпишаа за спроведување на договореното од Пржино, а треба да се усвојат измените во Избирачкиот законик што се однесуваат за прочистување на Избирачкиот список.

Последниот пат пратениците на опозициската СДСМ го напуштија Собранието откако не беше прифатен нивниот рок до кога требаше Уставниот суд да се изјасни за уставноста на Законот за Специјалното јавно обвинителство.

Новиот договор подразбира дека до 31 август треба да се исполнат неколку услови за одржување фер и кредибилни избори на крајот на годината (можен термин е 11 декември). Условите се однесуваат на Избирачкиот список, медиумите, работата на МВР и на Специјалното јавно обвинителство.

Во однос на Избирачкиот список договорено е 171.500 лица за кои се претпоставува дека се наоѓаат во странство, да бидат ставени на дополнителен список и треба да се направи нова проверка за 40.000 лица. За ова неопходни се измени во Изборниот законик, а рокот е денеска.

На 31 август лидерите на четирите партии треба да се сретнат и да одлучат дали се исполнети договорените обврски и да го одредат датумот за предвремените парламентарни избори.

Извор: МКД.мк

Comments are closed, but trackbacks and pingbacks are open.