Руски мразокршач на научна мисија застана во Кејп Таун овој викенд, што предизвика загриженост кај климатските активисти кои стравуваат дека Москва е насочена кон подземни истражувања на Антарктикот, заштитено подрачје.
Академик Александар Карпински, кој во саботата пристигна во Јужна Африка, е на пат кон Јужниот пол како дел од научната мисија започната на крајот на 2022 година, објавија руските медиуми.
Бродот е дел од експедицијата „Polar Marine Geosurvey“, подружница на руската државна компанија за истражување на рударството RosGeo.
„Веруваме дека експлоатацијата ќе биде следниот чекор“ по истражувањето на подземните ресурси, изјави Жаки Тук, портпаролка на климатската невладина организација „Бунт на изумирање“.
Група еколошки активисти се собраа денеска во пристаништето во Кејп Таун извикувајќи – „Нема фосилни горива, подалеку од Антарктикот, нема војна!“.
На Антарктикот е забранета експлоатација на подземјето (руди, гас, нафта).
RosGeo негираше дека сака да ги истражи тие ресурси.
„Активностите на RosGeo на антарктичкиот континент и во соседните мориња се од исклучиво научна природа“, изјавија од руската компанија.
Активистите на Гринпис веруваат дека Јужна Африка има морална должност да не дозволи активност во еколошки чувствителна област.