Одбранбените сили на Украина продолжуваат да ги задржуваат руските трупи кои напаѓаат по целата линија на фронтот, а руската офанзива продолжува во регионот Харков, соопшти утрово Генералштабот на вооружените сили на Украина.
Во текот на изминатиот ден имало 148 конфликти, пренесува Униан.
Се наведува дека на правецот Харков руските сили 13 пати се обиделе да ја пробијат украинската одбранбена линија на правците Нова Товолжанка (Русија) – Волчанск, Шебекино (Русија) – Волчанск, Гатише – Волчанск, Муром – Старица, Стрелечја – Глубокоје, Пиљна – Глубокоје и Глубокоје – Липци.
Украинскиот Генералштаб додава дека борбите продолжуваат кај Волчанск и дека ситуацијата е под контрола.
Се наведува дека ситуацијата на правецот Купјанск се уште е тешка, а украинските сили одбиле 22 руски напади.