Русија преживеа една година санкции инвестирајќи како никогаш досега, пишува Блумберг и наведува дека Русија се обидува да излезе од самонаметнатата економска криза која се закануваше да предизвика најдлабока рецесија во текот на повеќе од две децении од владеењето на претседателот Владимир Путин.
Како што беше наведено, руските компании мораа да трошат за да го заменат увозот и да ја диверзифицираат трговијата.
Напливот на извозот на стоки го внесе капиталот во државните и корпоративните каси, поттикнувајќи раст на деловните инвестиции што беше без преседан за време на претходните економски контракции.
Така, големите и малите компании трошеа на замена на странска опрема и софтвер или канализираа пари во изградба на нови синџири на снабдување со цел да стигнат до алтернативни пазари.
Иако се соочи со првичните предвидувања за пад на капиталните расходи до 20 отсто, Русија забележа раст од шест отсто во 2022 година.
Руска рецесија за разлика од сите досегашни
Овој пат руските инвестиции се покажаа како отпорни на рецесија. Иако централната банка и руското Министерство за економија предвидуваат период на стабилност или само благ пад, Bloomberg Economics предвидува дека инвестициите во основни средства ќе се намалат за пет проценти во 2023 година, што е големо кочење на економијата која се очекува да се намали за 1,5 проценти.
Тој, исто така, наведува дека руската рецесија не е како ниту една досега.
„За време на нормален пад, приватните инвестиции го добиваат најголемиот удар, додека потрошувачката на домаќинствата опаѓа помалку. Но, не овојпат. Оценуваме дека оваа аномалија ќе исчезне во 2023 година, бидејќи големата неизвесност и деловните ризици во Русија ги намалуваат инвестициите.
Додека Русија се бореше да се справи со недостигот предизвикан од санкциите, се појавија нови приватни бизниси, многу поддржани со владини заеми или субвенции.
Така, во регионот Псков на запад од Русија, фабриката ќе произведува индустриски батерии за да помогне во замена на увозот.
На пример, хемиска компанија основана во Чувашија на Волга планира да произведува водород пероксид во количини што треба целосно да ја задоволат домашната побарувачка.
Во близина на Москва, погоните почнаа да произведуваат хидраулична опрема и лекови. Исто така, исчезнувањето на голем број увезени производи стана една од силите што ја нарушува руската економија за време на војната, охрабрувајќи го растот заснован на помалку софистицирана технологија, кон она што нејзината централна банка го нарече „обратна индустријализација“.
Сите информации за економско-енергетската криза во Македонија, регионот и светот можете да ги прочитате ТУКА.