Русија не ја поддржува одлуката да му се дозволи на претседателот на Украина Володимир Зеленски да се обрати пред Генералното собрание на ОН преку претходно снимено видео, бидејќи тоа е кршење на правилата, изјави постојаниот претставник на Русија во ОН Василиј Небензја.
„Ова е уште едно прекршување на правилата што ние (земјите членки на ОН) ги поставивме. Зеленски нема проблем да патува низ земјата, тој вчера ги посети регионите, но не може да дојде овде (на Генералното собрание)“, рече Небензја. пренесе ТАСС.
„Ако не можете да дојдете, испратете го вашиот претставник да зборува на Генералното собрание. Ова е уште едно прекршување“, рече Небензја.
Седумдесет и седмата сесија на Генералното собрание на Обединетите нации, како дел од редовната есенска сесија, синоќа ја отворија генералниот секретар на ОН Антонио Гутереш и претседателот на Генералното собрание на ОН Чаба Короши, пренесува ТАСС.
Сите клучни меѓународни теми се на дневен ред, вклучувајќи ги климатските промени, борбата против СОВИД-19 и други инфекции, тековните конфликти и кризи, како и прашањата за долговите на земјите во развој.
Генералната дебата на високо ниво ќе се одржи од 20 септември до 26 септември, а ќе учествуваат шефови на држави и влади, како и дипломати од различни земји.