Руската фрегата „Адмирал Горшков“, која во моментов е на долг тренинг патување, ќе тестира лансирање на хиперсонична ракета „Циркон“ за време на заедничка вежба со јужноафриканската и кинеската морнарица, изјави извор близок до руската одбранбена индустрија ТАСС.
Изворот нагласи дека тоа ќе биде прво лансирање на „Циркон“ за време на заедничките вежби на трите земји, наведувајќи дека проектилот треба да погоди површинска цел лоцирана на оддалеченост од повеќе од 500 километри.
Патувањето на оперативната група, која ја сочинуваат фрегатата „Адмирал Горшков“ и поморскиот танкер од средна класа „Кама“, започна на 4 јануари.
Министерството за одбрана на Русија на 25 јануари објави дека фрегата извршила пробен напад со хиперсонична ракета „циркон“ врз морска мета оддалечена повеќе од 900 километри во западниот дел на Атлантикот.
Министерството тогаш објави дека во водите на Јужноафриканската Република заедно со морнарицата на таа земја и кинеската морнарица во февруари ќе се одржат серија заеднички вежби.
Сите информации поврзани со најновите случувања со војната во Украина можете да ги прочитате ТУКА.