Русија: Апелот на Папата за украинската војна е упатен до сојузниците на Киев

Сподели со своите пријатели

Русија соопшти дека поканата на папата Франциско за разговори со Москва за ставање крај на војната во Украина е барање до западните сојузници на Киев да се откажат од нивната амбиција да ја поразат Русија и да ја признаат грешката на Западот во украинската војна, објави во понеделникот италијанската агенција АНСА.

Loading...

Папата неодамна изјави дека Украина ќе мора да има храброст на „бело знаме“ и да преговара за крај на војната со Русија, по почетокот на инвазијата пред две години во која загинаа десетици илјади луѓе.

Во интервјуто снимено минатиот месец за швајцарската телевизија RSI, Франциско кажа што мисли за оние кои велат дека Украина треба да се откаже бидејќи не успеала да ги одбие руските сили и оние кои веруваат дека тоа ќе и даде легитимитет на посилната страна.

ПРОЧИТАЈТЕ И:  „Западот го гледа поразот на Украина, но не знае што понатаму“

Новинарот во своето прашање го употреби терминот „бело знаме“.

„Тоа е едно толкување, тоа е вистината“, рече тогаш Франциско, според извадоци од интервјуто што треба да се емитува на 20 март.

„Зборот „преговарање“ е храбар збор. Кога ќе видите дека сте поразени, дека работите не одат добро, треба да имате храброст да преговарате“, истакна папата.

Портпаролката на руското Министерство за надворешни работи, Марија Захарова, коментира дека Западот ја користи Украина како инструмент на својата амбиција да ја ослабне Русија.

„Како што јас го гледам тоа, Папата бара од Западот да ги остави настрана своите амбиции и да признае дека не е во ред“, ја цитира АНСА изјавата на Захарова.

Loading...
ПРОЧИТАЈТЕ И:  Рускиот воен суд осуди маж на 14 години затвор за соработка со Украина

Што се однесува до Русија, продолжи таа, „никогаш не сме ги блокирале преговорите“.

Во исто време, Захарова додаде дека ситуацијата во Украина е „без излез“.

Во неделата Украина ја отфрли поканата на папата да преговара за крај на војната со Русија.

Претседателот Володимир Зеленски рече дека Светиот Отец е ангажиран во „виртуелно посредување“, а неговиот шеф на дипломатијата рече дека Киев никогаш нема да капитулира и му порача на Ватикан да посвети посебно внимание на својата улога во Втората светска војна.

По бурната реакција на Киев, Ватикан објави дека папата Франциско не повикува Украина да се предаде, туку на прекин на огнот и храброст во преговорите.

ПРОЧИТАЈТЕ И:  Американски аналитичар: Русија може да ги срамни украинските позиции

Украина повторува дека се бори за опстанок и дека нема да запре додека не го протера последниот Русин од својата територија.

Зеленски минатата недела рече дека Русија нема да биде поканета на првиот мировен самит што треба да се одржи во Швајцарија.

Сите информации поврзани со најновите случувања со војната во Украина можете да ги прочитате ТУКА.

Loading...