Романтичната свршувачка на австриската планина Фалкерт (2.300 метри), во Австрија, за малку ќе завршела кобно.
Еден млад маж (27) однел девојка (32) на врвот на планината, каде што и го поставил судбоносно прашање. Откако му рекла „да“, таа се лизнала и го повлекла со себе.
И двајцата се превртеле на околу 200 метри над карпите и снегот, но идната невеста застанала по некое време.
Како што објави „Кронен цајтунг“, сопственикот на блиската гостилница ја пронашол онесвестената жена и ја однел со моторна санка во болницата, каде било наведено дека претрпела само потрес на мозокот.
Нејзиниот свршеник немал толку среќа: тој паднал околу 15 метри во бездната пред да се фати за испакнатина во карпата, која ја држел додека не дошле да го земат со хеликоптер.
Пукнале неколку пршлени, но неговиот живот не бил загрозен.
– Имаа луди среќа. Да немаше снег, тие ќе поминеа многу полошо – рекол полицаецот.