Тинејџер од Кина наводно извршил самоубиство откако неговите биолошки родители кои ги барал на социјалните мрежи по втор пат го одбиле.
Лиу Шеижо си го одзел животот на плажа во Сања, град во провинцијата Хаинан, изјавила неговата тетка Чаи Моу за кинеските медиуми.
Полицијата во Сања ја потврди неговата смрт за кинескиот медиум „The Paper“.
Приказната на Лиу го привлече вниманието на јавноста кога на 6 декември објави видео и побара помош за пронаоѓање на биолошко семејство.
Тој во видеото вели дека е роден помеѓу 2004 и 2006 година во провинцијата Хебеи и дека неговите биолошки родители го продале на посвоители кога имал три месеци.
Неговата биолошка мајка, која медиумите ја идентификуваа како г-ѓа Занг, го негираше ова. Таа рече дека планирале да го дадат синот, а не да го продадат, но дека посредникот кој го продал Лиу на неговите посвоители инсистирал да им даде пари.
Според тинејџерот, неговите посвоители загинале во несреќа кога тој имал четири години. Лиу рекол дека после тоа живеел со баба му и дедо му, родителите на жената која го посвоила.
Лиу минатата година изјави дека работел со скратено работно време за да ги плати студиите во стручно училиште.
Минатата недела објави фотографија од трошната куќа, тврдејќи дека живее во неа. Откако неговата потрага по неговите родители стана вирална, полицијата употреби ДНК тест за да го пронајде неговиот биолошки татко.
Лиу се сретнал со својот татко на 27 декември во главниот град Хебеј, но рекол дека татко му одбил да го прими бидејќи тој веќе одгледувал друго семејство.
На почетокот на јануари, Лиу рече дека ја нашол својата биолошка мајка во Внатрешна Монголија и отишол да ја запознае. Како и неговиот татко, таа го отфрлила тинејџерот, велејќи дека само „сака мирен живот“ и дека има семејство, објави „Пекинг њуз“.
Liu Xuezhou: Chinese teen sold by his birth parents, rejected by them again and bullied online found dead on a beach https://t.co/Y66sejis9O
— USA TODAY NEWS (@USATODAYNEWS24) January 25, 2022
Медиумите објавија дека биолошките родители собрале пари и го испратиле на одмор во Сани. Лиу го прифатил патувањето, но продолжил да бара од родителите да му помогнат околу домувањето.
И двајцата го одбиле барањето, рекол тинејџерот на Веибу. Тој рече дека мајка му потоа му го блокирала бројот и профилите на мрежите и рекла дека е неблагодарен и суров.
Занг рече дека го блокирала бидејќи тој постојано барал да му купи куќа, која таа не можела да си ја дозволи.
Таткото на Лиу, кого медиумите го идентификуваа како Динг Моу, исто така тврдеше дека Лиу побарал од него да му купи куќа. Сепак, Лиу го оспори ова на Веибо и рече дека само ги замолил родителите да му помогнат да ја покрие киријата.
Тој бил малтретиран на социјалните мрежи
Лиу минатата недела рече дека бил бомбардиран со критички пораки. До понеделник, дискусиите на Веибо за смртта на Лиу, потрагата и врската со неговите родители собраа повеќе од 150 милиони прегледи, а Лиу собрал повеќе од 160.000 следбеници.
Повеќето корисници на Веибо ја поддржале неговата кампања и ја осудија одлуката на неговите родители да се откажат од него кога тој бил бебе.
На 19 јануари Лиу објави дека планира да ги тужи своите родители, а потоа во неделата вечерта објави нешто на платформата што личеше на порака за самоубиство, предизвикувајќи паника кај неговите следбеници.
„Во изминативе неколку дена имаше луѓе кои ме нападнаа и пцуеја. Страдав да ме нарекуваат разни погрдни имиња“, напиша тој. Тој додаде дека „неговите биолошки родители двапати го оставиле“.
Лиу бил пронајден неколку часа по објавувањето на пораката и бил пренесен во болница, каде што била констатирана смрт.
Liu Xuezhou: Outrage over death of ‘twice abandoned’ China teen https://t.co/2qMupZwyfO pic.twitter.com/4Pv5T0ffBX
— Jairo Rodriguez (@RealtorJairo) January 25, 2022